Ferris Wheel

Paulit-ulit. Paikot-ikot.

Taas…

Baba…

Taas…

Kasimpleng ride na nga lang,

minsan kailangan pa langisan

para lang maging swabe ang ikot.

Iba-ibang tao,

kanya-kanyang dahilan sa pagsakay:

saya;

lungkot;

bagot.

Pero lahat, pag sawa na,

lilipat lang sa ibang rides.

Pulos bata na lang ang natutuwa.

Di na kinakaya

kakaibang saya

na hanap ng mga matatanda.

Magkaron man ng ibang rides

na mas exciting,

o mas high tech...

"Octopus"?

"Bump car"?

Bahagi na ng peryang ito

ang chubibo.